О книге «Сахаба аялдар»

Тарыхтын кайсы барагын ачпагын, адамзаттын жыргалчылыгы үчүн жанын аябаган назик жандардын да элесин көрөсүң. Колуңуздагы эмгекте үй-бүлө башчысы менен бирге коомдогу аялдык милдетин эң мыкты орундаткан сахаба энелердин өмүр жолу тууралуу тарыхый маалыматтар берилген. Бул чыгарма бактылуу доордун аялдарынын руханияты жана ажайып дүйнөсү менен таанышуу, ошол дүйнөнүн руханий жашоосунун даамын татуу жагынан алганда абдан зор байлык деп айтууга болот.

Жалпы аялзатына үлгү болгон сахаба энелердин өрнөктүү өмүрү менен жакындан таанышуу аркылуу, дартыңызга даба, көңүлүңүзгө жөлөк, жашооңузга дем аларыңыздан күмөн санабаңыз. Ошондой эле бул китеп кыз баланын мүнөзүн, намысын калыптандырууда табылгыс эмгек.

Китеп бардык окурмандарга арналган.