«Булак башында» китеби жөнүндө маалымат

Крис Диринг анын үй-бүлөсүн узакка тооруган каргаша акыры бүттү деп ишенет. Ал чоң атасы алтынга мол деп ишендирген Юкондогу жерин кайтарып алат. Эми Крис жаңы бакма ата-энесиникинде атасынын түрмөдөн чыгышын күтүшу керек, ошондо алар үй-бүлөлүк байлыгын каза башташат.

Бирок баары тез эле татаалдашат. Анын атасынын жаңы "бизнес өнөктөштөрү” көз боемочулар болуп чыгат. Балдарды коргоо кызматы тоскоол болууда. Кристин чоң атасы Уоллес алтынды кай жерден казып алуу тууралуу 100 пайыз чындыкты айтпагандыгы билинет. Крис жаш болсо да көптөгөн тоскоолдуктарга туруштук берип, алтын казып алуу сырларын да өздөштүрөт. Бактыга жараша Крис эң жакын досу жана ага кайдыгер карабаган адамдардын курчоосунда максатына жетет.