«Исхак Раззаковдун инсандык, жетекчилик өзгөчөлүктөрү» китеби жөнүндө маалымат

Бул китепте Улуу Инсан, Орто Азиядагы белгилүү саясий ишмер, Кыргызстанды согуштан кийинки оор абалдан социалдык-экономикалык өнүгүүгө жетектеп алып чыккан, кыргыз элинин чыгаан уулу, саясий лидер И.Раззаков жөнүндө тарыхый, архивдик маалымат, далилдер менен баяндалат.

Илимий маалыматтар көпчүлүккө түшүнүктүү болуусу үчүн жөнөкөй жатык тил менен жазылды. Китептеги айтылган идеялардын таасирдүүлүгүн жогорулатуу үчүн көркөм сөз каражаттары, дастандан үзүндүлөр келтирилди. Өзгөчө И. Раззаковдун башкаруучу, жетекчилик, менеджерлик өзгөчөлүктөрү жана жетекчи кадрлардын иш билги, таза болуп өсүүсү жөнүндөгү ойлору, сөздөрү түрдүү булактардан изделип табылып, азыркы заманга ылайыкташтырылып берилди.

Китеп студент, аспирант, саясий жетекчи, мугалим, илимпоз, жалпы эле улуу инсандардын өмүрүнө кызыккан окурмандарга арналат.