«Күзгү жомоктор» китеби жөнүндө маалымат

Кымбаттуу балдар жана ата-энелер!

«Кутаалам» басмасы «Кечки жомоктор» сериясынан «Күзгу жомоктор» жыйнагын сунуштайт. Жомоктор жаратылышка не бир ажайып кооз түркүн түстөрдү тартуулаган берекелүү күз мезгилине арналат. Күз мезгилинде дарактардын жалбырактары алтын түскө боёлот, эгиндердин, мөмө-жемиштердин мол түшүмү жыйналат. Күз жамгыры жаап, акырындап күн кыскарып, түн узарат.

Күз мезгили сейилдин, таттуу кыялдардын, бышыкчылык берекенин учуру. Күндүзү кызыл-тазыл жалбырактарды чогултуп, кечкурун жылуу жайга олтуруп алып жомок окуган кандай гана ырахат! Ошондой эле күз мезгили - бардыгыбыз сагынып күткөн жаңы окуу жылынын башталышы менен коштолот. Бөбөктөр өткөн жылдан бир жашка чоңоюп, жаңы дем, жаңы күч менен билим алууга киришкен учур.

Анда күз мезгилинин керемет учурларын чагылдырган биздин ушул китепти ала кетүүңөрдү сунуштайбыз. Бул жомоктор силерди жаны каармандар менен жолуктуруп, жагымдуу жаңы таасирлерди тартууларына ишенебиз!

Биздин жомоктор куздун берекесин, даамын, жаратылыштын сыйкырлуу сүрөттөрүн тартуулайт. «Күзгү жомокторго» керемет сапарынар байсалдуу болсун!