«Канаттуулар дүйнөсү» китеби жөнүндө маалымат

Бул китепке канаттуулар, негизинен Кыргызстанды мекендеген канаттуулар, келгин куштар, Кыргызстандын аймагы аркылуу өтүп баратып бир аз токтоп, башка жактарга учуп кетүүчү канаттуулар, алгыр куштар, сууда, токойдо, тоодо, талаада болуучу канаттуулар, алардын түрлөрү, бири-биринен өзгөчөлуктеру, ошондой эле чымчык, куштарга кирбеген канаттуулар (аары, чымын, чиркей ж.б.) жөнүндө балдар үчүн жазылган ырлар топтолгон. Китеп балдардын дүйнө таанымын, ой-чабытын кеңейтүүгө, канаттуулардын аттарын кыргызча так билүүгө жардам берет, ошондой эле мектепте «Зоология» сабагына кошумча окуу куралы катары колдонулушу мүмкүн.