О книге «Гүлсарат»

Ч. Айтматов учурдагы эң көп окулган китептердин автору катары белгилүү. Аны көзү тирүүсүндө эле адабияттын классиги катары айтып келишкен. Ч. Айтматовдун чыгармалары 176 тилге которулуп, 128 өлкөдө 100 миллиондогон нускада басылып чыккан. Айтматовдун чыгармалары көптөгөн өлкөлөрдүн орто мектептеринин жана жогорку окуу жайларынын окутуу программаларына киргизилген.

Гүлсары – сулуулуктун, аруулуктун, көркөмдүктүн, поэтикалык эргүүнүн символу. Ал Танабайга дем берген, эргүү берген, бул жашоого сонуркаткан көркөм дүйнө. Гүлсары аркылуу Танабайдын адамдык ажайып сапаттары ачылат, пенделик жазмышы ашкереленет. Гүлсарат – табияттан берилген өзгөчө касиеттин (таланттын) ээси. Ал эми мамлекеттик-партиялык “жетекчилердин” мамилеси супсак прагматикалык керектөөчүлүктөн алыстабайт. Эгер ал (Гүлсары – асылдык, талант) алардын бийлигине баш ийбесе, аларга кызмат кылбаса, аны жазалашат, “кишендешет”, “камашат”, ага да көнбөсө “актап салышат”. Ч.Айтматов бул чыгармасы тууралуу «“Гүлсарат” бир чети эң чоң чыгармачылыкка канагат алып келсе, бир чети аябагандай көркөм машакат да чектирди десем болоор. Бул повестте мен мурунку чыгармаларымда козголбогон башкача ойлорду айткым келди. Аны менен азыркы мезгилдеги улуттук турмуштун картинасын сүрөттөп бере алдым деп ойлойм. Ушунусу менен ал мага кымбат» деп айткан.