О книге «Сингапур билим берүү системасы»

Китепте Сингапурдун кантип өнүккөн өлкөгө айланганы, үчүнчү өлкөдөн биринчи өлкөгө өзгөргөнү билим берүүгө тиешелүү мыйзамдарды кабыл алган саясатчылар , ал мыйзамдарды ишке ашыргандар жана талыкпай эмгектенген мугалимдер жөнүндө баяндалат. Бул туурасында аталган долбоордун жетекчиси Жаныбек Абидетегин: “Бул китеп коомубузга шам болсун дедик. Биз көрө албаганды көрүүгө, биз жете албаганга жетүүгө көмөкчү болсун дедик. Китепти окуп коомубуз, элибиз үчүн өзү түтөп -күйүп жатса да шамдай болуп күйүп-бышып турган эр-азаматтарыбыз арбын болсун дедик. Сингапур улуттук баалуулугу менен заманбап баалуулукту жуурулуштуруп, алдыга озуп чыгып жатат. Мына парадокс. Албетте бул таңуулоо эмес. Болгону талкууга жем таштоо. Окуйлу, ойлонолу, озолу”