О книге «Кышкы жомоктор»

Бул ирээт сиздерге "Кечки жомоктор" сериясынын төртүнчү  китеби "Кышкы жомоктор" топтомун тартуулап жатабыз. "Кышкы жомоктор" топтомуна кышкы мезгилге арналган жомоктор  киргизилип, бул мезгилдин өзүнчө кооздугу, ызгаардуу аяздагы адамдардын жашоо-турмушу, ошондой эле жаныбарлардын кыш мезгилиндеги окуялары сүрөттөлөт. Кыш мезгили муздак абасы, аппак кары менен ааламды тазарткан сыяктуу, ошол эле учурда бардык жандуулардын жан дүйнөсүн тазарткан өзүнчө  керемет мезгил.

Эң башкысы кыш айлары адамдардын жашоосуна өзгөчө шаң тартуулаган, жылдын башталышы болгон Жаңы жыл майрамы  менен тыгыз байланышта болгондуктан бул китептеги жомоктордун басымдуу бөлүгү да мына ушул Жаңы жыл майрамы, анын шандуу учурлары менен жуурулушуп турат.

"Кышкы жомоктор" китебинде бөбөктөрүбүз кыш кереметине саякаттап, анын башка мезгилдердей эле адамдарга тартуулаган өзгөчө жагымдуу жактары бар экенин аңдашып, кызыктуу окуялардын кучагында болуп, жомоктун каармандары менен чогуу саякатка чыгышат.

Анда "Кышкы жомокторго" жасай турган керемет сапарыңар байсалдуу болсун!