О книге «Жазгы жомоктор»

Кымбаттуу балдар жана ата-энелер!

Бул - «Кечки жомоктор» сериясынын үчүнчү китеби «Жазгы жомоктор». Мурдагы китептер жай жана күз жомокторуна арналган.

Колунардагы китептен тематикалык жактан жаз мезгилине арналган жомоктордун топтомун окуй аласынар. Жаздын келиши менен жаратылыш жанданып, жан-жактарыбызда жаздын жагымдуу күүсү ойнолуп турат. Тамчылардын шыңгыр үндөрү, суулардын шылдыры, туркун куштардын безеленип сайраганы - кун жылып, жагымдуу күндөрдүн келишин айгинелейт.

«Жазгы жомоктор» китебине күндүн жылуу мээрими, байчечекейлер, кышты узатуу жана жазды тосуу жөнүндөгү ар түрдүү жомоктор топтолду. Китепти колуңарга алганда жаздын илеби кошо келип, сезимиңерде жаз бүчүрлөрү жарылып, гүлдөрү ачылган маанайга туш болосунар. «Жаз жомокторун» жылдын кайсы мезгилинде окусаңар да жаздын жылуулугуна, кубанчына жана мээримине бөлөнөсүңөр.

«Жазгы жомокторго» керемет сапарынар байсалдуу болсун!